Categorie
Generale

Qualche commento sulle elezioni

….fatto da un mio ex capo 😉

Eora e robe sta cussì; i fanciullini innocenti del PDL va manifestare parchè staltro, che fa finta de esare maeà, no xe giusto chel vegna torturà dai giudici che xe drio cavarghe ea vita. Ok, fin a un serto punto forse gavì anca rason; ma elo cavarse na bona volta dai cojoni invesse che presentarse ae elesion no? Co tuti i schei che te ghe, ciapa, fa finta de morire come Raul Gardini e va in figa de to mare in te na isoea sconosìa a farte ciuciare el capeoto daea matina aea sera invesse che stare qua a farne vedare ancora el to bruto muso e torne pal cueo coi to contratti!
I Grillini (che mi go votà)… ciò tusi, ma no gavì vinto e elesion. Eora el governo no podì farlo vialtri, ma e regoe e gavì lette prima de candidarve? A me parì cuatro fanechi s-ciopai, se torno a votare no penso che el voto veo dago de novo… Ricordeve che sto poro paese gheva bisogno URGENTE de xente che faxesse calcossa, magari almanco ea riforma eletorae, cussì se tornava votare ma sensa el porseo! Invesse ste là questionare, tirarvea e dire de no a tuto sensa concludare niente; jera bon anca un poro mona fare cussì.
I Rossi. Hahaha che bei!! I xe incassà neri parché staltri continua a no cagarli de strisso e no fare acordi co lori… I la ga a morte co quei che noi ga votà, ghe pare fin imposibìe che qualchedun podesse no verli votà. Ciò pajassi, ma ghio visto co chi che ve si presentà ae elesion? Ea Bindi, no digo ragassi, ea Bindi nel 2013… Dalema no jera candidà ma el se ga cavà dae liste parché de sicuro ghe ghi promeso un ministero… Goi da nare vanti co l’elenco?!?
Morae dea favoea; questa sarìa i tre partiti/coalision che ga ciapà pi voti e che gavarìa da guernarne… a posto! Me dispiaxe dirlo ma tusi, mai come desso semo proprio tuti quanti in tee man dea poja!!

Lascia un commento